كانت طياره ورق
كان بيطيرها صاحبها
الولد النونو هناك
بيطيرها تطير
توصل للشمس
وللاحباب
توصل بايديها عند السحاب
وكان هو بيطير وياها
وكأنه هو اللى هواها
بس ده كله مكنش راضيها
كان نفسها بليل يرميها
مع اول نسمه معديه
لاجل ما توصل للى فى بالها
اصل ده ايه طياره مجنونه
حبت نجمه عاليه ومحبوسه
شوفت حبت ايه المجنونه
مربوطه فى سور البلكونه
مشتاقه وطايره ومسجونه
كانت حبت ليه من الاول
مكان النونو كفايه عليها
بس ياريت ده كان بايديها
هو الحب يعنى بيستنى
يسمع منها ايه اسبابها
ده شعور كده للقلب بيسرسب
من غير عقل ومن غير منطق
أعجبتنى للغاية
ردحذف